سندھ طاس پر بھارت کو ترکی بہ ترکی جواب دیا جائے گا: صدر آصف زرداری اور وزیراعظم شہباز شریف کا یادگارِ فتح کی افتتاحی تقریب سے تاریخی خطاب
اسلام آباد (عام نیوز) [14 اگست 2026]: صدرِ مملکت آصف علی زرداری اور وزیراعظم محمد شہباز شریف نے وفاقی دارالحکومت میں قومی اتحاد، وحدت اور دفاعِ وطن کے عزمِ مصمم کی علامت ‘یادگارِ فتح’ کا باقاعدہ افتتاح کر دیا ہے۔ 8 ماہ کے قلیل عرصے میں فیلڈ مارشل کی ذاتی دلچسپی سے تعمیر ہونے والی اس یادگار کی پروقار تقریب میں نائب وزیراعظم اسحاق ڈار، چیئرمین سینیٹ یوسف رضا گیلانی، اسپیکر ایاز صادق، چیف آف ڈیفنس فورسز فیلڈ مارشل سید عاصم منیر، سروزی چیفس، چیف جسٹس یحییٰ آفریدی، وزیراعلیٰ پنجاب مریم نواز اور غیر ملکی سفارت کاروں سمیت عسکری و سیاسی قیادت کی کہکشاں موجود تھی۔
تقریب سے خطاب کرتے ہوئے وزیراعظم شہباز شریف نے بھارت کو کڑا پیغام دیا کہ پاکستان کے پانی کی ایک ایک بوند ہماری ریڈ لائن ہے، سندھ طاس معاہدے کی یکطرفہ معطلی سے بھارت نے خود کو امن کا دشمن ثابت کیا، اگر وہ راہِ راست پر نہ آیا تو اسے براہِ راست جواب دیا جائے گا۔ انہوں نے واضح کیا کہ پاکستان نے ایران امریکہ جنگ کے خاتمے میں کلیدی کردار ادا کیا جس میں فیلڈ مارشل کا تاریخی کردار ہمیشہ یاد رکھا جائے گا۔ وزیراعظم نے حال ہی میں پاکستان، سعودی عرب اور ترکیہ کے مابین ہونے والے ‘مکہ مشترکہ دفاعی معاہدے’ کو عالمِ اسلام کے لیے امن کی نوید اور پاک چین دوستی کو ہمالیہ سے بلند قرار دیا۔ انہوں نے پاک بھارت جنگ بندی میں امریکی صدر ڈونلڈ ٹرمپ کے کردار کو سراہتے ہوئے آئی ٹی اور آرٹیفیشل انٹیلیجنس (AI) کو نئی نسل کے روشن مستقبل کے لیے ناگزیر قرار دیا۔
صدرِ مملکت آصف علی زرداری نے اپنے صدارتی خطاب میں افغانستان کو اپنی سرزمین دہشت گردوں کے لیے استعمال کرنے سے فی الفور روکنے کا حکم دیا۔ انہوں نے فخر سے اعلان کیا کہ فائلڈ مارشل کی قیادت میں پاکستان نے بھارت کو معرکہ حق میں عبرتناک شکست دی اور یہ یادگارِ فتح ہمارے شہداء اور غازیوں کی لازوال داستان ہے۔ صدر نے واضح کیا کہ ایران امریکہ جنگ بندی اور مشرقِ وسطیٰ میں امن کے لیے پاکستان کی عسکری و سیاسی قیادت کے مڈل مین کردار کی آج پوری دنیا معترف ہو چکی ہے۔
